Според бихејвиорологот Лари Јанг, не е далеку денот кога ќе се развијат и пилули кои ќе можат да манипулираат со мозокот за да се зголеми или намали чувството на вљубеност. Експериментите веќе покажаа дека назалното внесување на хормонот окситоцин ја зголемува довербата и предизвикува позитивни чувства кон другите луќе. Овој хормон е во интеракција со наградувачкиот систем во мозокот кој предизвикува задоволство и кој е стимулиран од невротрансмитерот - допамин истиот систем кој прави никотинот, кокаинот и хероинот да предизвикуваат еуфорија и зависност. Регионите во мозокот стимулирани од допаминот се активни кај мајките кога гледаат слики од своите деца. Слична активност се покажала кај луѓето кои гледале слики на своите сакани.